كلمات اغنية تكلم يا تونس للشاعر خالد الوغلاني
ولادك يا تونس عينيك✦ ✦ ✦ نجومك وقمر لياليك
الحبّ اللي تربّى في عزّك✦ ✦ ✦ وحرقتو النار اللي فيك
ولاّ فمـــة شكــــــون✦ ✦ ✦ تحرق أكبادك بيديك
تكلّم يا تونس يهديك
♪ ♪ ♪ ♪ ♪
تكلّم واحكيلي على شبابك✦✦✦ الخير اللي معطّل في بابك
العين اللي تتمنّى تشوفك✦✦✦بعيدة على مدافع حجّابك
زعمة اللي معذبهم خوفك✦✦✦ ولاّ الخوف سبب عذابك
ولاّ اللي فهمو ظروفك✦✦✦زادو م الظلم اللي فيك
تكلّم يا تونس يهديك
♪ ♪ ♪ ♪ ♪
ولادك يــا تونـــــس وبنــاتك ✦✦✦ الورد اللي مفتح في ذاتك
العزّ اللي مــــا يطيق خيـــانة✦✦✦ ولا يرضى بذليل سكاتك
النخوة اللي تخلّــي الجبّـــانة✦✦✦أقرب من خير قصوراتك
الروح اللي كي تشوف إهانة✦✦✦ تعفس ع الدنيا وتفديك
تكلّم يا تونس يهديك
♪ ♪ ♪ ♪ ♪
تكلّم ما تخلّيـــــش سكــوتك✦✦✦ يقضي على حريّة صوتك
علاش ترضى يخليو حياتك✦✦✦ تصويرة تدل على موتك
علاش هكة الحريّة نساتك✦✦✦رهينة في تركينة قوتك
تبكــــي في وجـــــه وليداتـــــك✦✦✦ وتضحك للي ضحكو عليك
تكلّم يا تونس يهديك
